Flutt í nýja húsið

Halló halló

 Já þá erum við loksins flutt í höllina okkar, búin að vera hér í 3 vikur og kunnum vel við okkur í  nýja umhverfinu.  Skíðabrekkan er náttúrulega punkturinn yfir iiiiiððððððððððð.  Við höfum gott útsýni í brekkuna úr eldhúsglugganum.  Júlía og Geir eru búin að prófa brekkuna og líkar vel.  Sjá myndir af nýju skíðadrottningunni. 

Það gengur ágætlega að koma okkur fyrir, við fengum mikla hjálp frá tengdaforeldrunum og eiga þau miklar þakkir skilið.  Búið er að setja upp næstum öll ljós sem við erum búin að kaupa og geymslan er að taka á sig rétta mynd og við ættum að geta klárað mikið um helgina.  Geir er komin í 9 daga frí núna og við ættum að geta gert ýmislegt á þeim tíma.

Við fáum heimsókn frá Íslandi í næstu viku, þá koma amma og afi í heimsókn.  Afi ætlar að prófa skíðabrekkuna, það er vetrarfrí í skólum svo að það verður opið alla daga í brekkunni.

Júlía Björk hefur þrjá nýja vini í næsta nágrenni, allir 4 ára, Ari, Oliver (íslenskir) og Thomas (norskur).  Þannig að mikið hefur breyst frá því að við vorum í Elmholtinu.

Það var Karnival á dögunum hjá Júlíu og það var mikið fjör, kötturinn sleginn úr tunnunni og pylsur á boðstólnum.  Sjá myndir að neðan.